Le colession sientģfiche dl'Universitą ant le sale dl'Archivi dė Stat ėd Turin.
Magara nen tan an piemontčis, ma 'd piemontčis motobin. A sė s-ciama "La memoria della scienza" e a l'é na mostra ch'a fa da vetrin-a - da giojera a l'avrģo dit na vņta - a tut lņ che a propņsit dė siensa a conservo e a cudisso le colession sientģfiche dl'Universitą 'd Turin. As ten pėr arcordé 'l sest sentenari 'd nņsta Universitą ant le sale dl'Archivi dė Stat an piassėtta Mollino (a dura fin-a al 30 'd November) e a l'é soagną da Dario Cantino, Michela Di Macco, Giacomo Giacobini e Giovanni Romano.
Quasi tėrsent agn ch'a passo sota ij nņsti euj a travers lė studi dle bestie, dėl cņrp uman, dla tčra, dij mineraj, sensa conté - nen sensa baravantanerģa - atrass e utiss e trovaje 'd Lombroso e 'd soa scņla ch'a l'ha marcią bin spedģa drinta e fņra 'd ca. Na bela sčrnia dė strument ch'a gropo i savčj sientģfich e umanģstich e artģstich ant un bocc ėd sugeriment e 'd sugestion. A s'anandia tra Ses e Setsent, as moltģplica tra Set e Eutsent (coma fé a dėsmentié che un dij nņst poeta pģ robust, Edoardo Ignazio Calvo, sentenare ant un sentenare, a l'era médich al San Gioann e a l'avģja 'l ponson dl'arserca?), a pija l'andi pģ che tut ant la sconda metą dl'Eutsent e a continua ant ėl Neuvsent fasend ėd nņsta sitą na sitą d'ingegné ('l Poli a nass ant ėl 1906, anche se prima a l'é mnuje Galileo Ferraris). Na stņria bela ch'a fa piasģ contela e ch'a s'antėrsa con ėl Risorgiment (ant ėl 1840 a Turin as ten lė scond congress ėd ij siensią italian e la cņsa a buta le forse dl'ordin an quąich antrap). Na stņria ch'a-j dą a nņsta stņria un ghėddo tut particolar.
Pensoma a 'd pėrson-e coma l'idrąulich Bidone, ch'a l'ha faje da maestro a Massimo d'Azeglio, pensoma a n'ņm come Primo Levi che da la chģmica a l'ha piją ij fondamentaj 'd soa manera 'd sente. Ma podrģo pensé a sent ąutre pėrson-e. S'a l'é vera che tra istitussion e vocassion, a son le pėrson-e ch'a fan la diferensa. La mostra dl'archivi a l'é na bon-a ocasion pėr penseje 'n pņ 'nsima.

ėd Giovanni Tesio - dal Vėnner dla Stampa dėl 5 ėd novémber dėl 2004


Indietro