Paisagi e stagion, bon deuit e religion ant un lģber ėd Giovan Battista Gallino
A-i é 'ncora 'd pėrson-e da bin ch'a fan le cņse dabon, l'é gnanca tan amportant ch'a sio 'd cņse amportante. A basta ch'a sio magara cite, citissime, ma cudije con afession e con passion. A l'é giusta lņn ch'a l'é capitaje a 'n lģber 'd Giovan Battista Gallino (1910-2004), un poeta ną a Rivoli e mņrt a Pancalé, a la ca d'arpņs ėd San Gaetan. Ėl lģber a s'antitola "Sota la vņlta dėl cel" e a l'é stąit cudģ da Luciano Cerato (pėr chi a l'abia veuja d'avčjlo, basta telefoné a Pancalé, al nłmer 011-973.44.75 ma basta 'dcņ scrive per via eletrņnica a: luciano.cerato@libero.it).
Poesģe - i disģa - ch'a fan pą brajé al mirącol. Poesģe sempie coma l'é sempe capitaje ch'a l'abio scrivune (e 'ncora a na scrģvo) doa ch'a resist un sofi 'd sentiment. Poesģe ch'a s-ciņdo da na necessitą 'd dģ cheicņs ch'a ven dal cheur. E se na parloma sģ a l'é nen pėr dģ ch'i l'oma trovą 'n poeta da nen perde. A l'é nen lģ la costion (ma gnanca sarģo tan sicur che cheicun dij poeta ch'a fan parlé 'd lor ancheuj a sio peuj destiną a passé ant ėl Parnas ed j'imortaj...). Lņn ch'a conta, sģ, a l'é na lession d'umiltą e 'd rispet; na lession - bin intčis - dąita sensa intension ėd dela, sensa gnun-e presunsion.
La poesģa 'd Gallino a manca nen d'ingenuitą. A l'é poesģa ch'an parla 'd paisagi e 'd pais, dė stagion e d'ocasion, d'amor e 'd religion, 'd bon sens e 'd generassion, ėd moral e 'd tradission. Con parņle ch'a l'han nen tėmma 'd soa ombra e ch'a canto con tuta soa mčtrica a pņst (pģ soens sončt, pģ da rčir d'ąut), Gallino a toca chčich vņte la grassia dl'idili; "Le stčile as dėstisso dasiņt a un-a a un-a,/ la primalba carėssa l'orisont/ solitąria an cel resta la lun-a". D'ąutre vote a lassa core soa moral: "Ognidun edifica la soa stņria/ antėrsą 'd delusion e dė speransa/ d'ąut e bass come 'l biauté 'd na balansa/ tra difet e virtł e la vanaglņria".
La presentassion dl'avocat Franco Manassero - combin ch'a sia 'n pņ balarin-a - a l'ha la giusta disposission 'd simpatģa che 'n lģber parej a manca nen ėd merité.

ėd Giovanni Tesio - dal Vėnner dla Stampa dėl 20 ėd magg dėl 2005


Indietro