Un bel lģber ėd Marco Conti e Tavo Burat ch'a marca l'arnassita dla cossiensa local
Un paisan ch'ancontra Dé, d'ałtri ch'a bruso 'l crocifiss, ėd pelegrin ch'a van a san Jaco 'd Campostela, na fomna dėl lagh, un pastor e na statoa, na fontan-a e na madņna, na sitą fongą, masche mascheugn e preive, faje e spģrit folet (o folėt coma diso a Biela), ņm sėrvaj (o salvej), stņrie dl'ąut mond, anime e stinch dij mņrt, diav, soldą e gat neir (o nčiro). Na patela 'd sugestion ch'a ven-o da 'n bel lģber ch'a s'antģtola «II volo della strega» e ch'a l'ha publicą a Biela la Libreria Vittorio Giovannacci (via Italia 14). Un volum grņss (385 pp., s.i.p.) cudģ da Marco Conti, bin spondą da Tavo Burat con soe tradussion an piemontčis (a l'č miraco pėr lņn ch'i na parloma ambelessģ). A l'č sempe disse trņp prest che nņste tčre a l'han pņch patrimņni 'd conte, 'd fąule, 'd presense 'd faje e servan. Cheicņs dėl gener a l'era bin convint ėd sotligné Pin Giacosa ant le soe «Novelle e paesi valdostani». Ma sgatand a l'č stąit prima 'l Neuvsent a dimostré 'l contrari (un mérit particolar a Nino Autelli e al so «Pan ėd coa», combin ch'a sia n'elaborassion artistica 'd n'arserca solitąria), e peui - daré le «Fiabe italiane» 'd Calvino, e l'arnassita dė studi bin pensą - tuta na filera 'd lģber ch'a l'han dąit un bel contribł 'd conossensa e 'd cossiensa teritorial: butand ansema art e scritura, stude e coltura, da Tavio Cņsio a Barba Tņni a Tavo Burat), da Beccaria a Marazzini, dai Grimaldi a Caprettini. An coste soe «Leggende e fiabe popolari della tradizione biellese», Conti a fa tuta la stņria dle conte ch'a registra: lģber ch'a l'han fąit da trassa (da Virginia Majoli-Faccio a Gremmo, da Giuseppe Maffei a Vittorio Turati), testimņne ch'a l'ha fąit da memņria, variassion ch'a fan da taca, motiv simbņlich ch'a fan da liassa. An tute le conte na fņrsa rłdia ch'a dis bin la vocassion piemontčisa a conté (a na parla 'dcņ Nigra pėr le nņste canson popolar) pitņst ch'ancantesse ai moment sentimentaj dl'idģli e dl'elegģa. Lassesse anciarmé dal «vņl dla strega» a l'č donca pėr noi l'arciam pģ giust.

ėd Giovanni Tesio - dal Vėnner dla Stampa dl'8 ėd luj dėl 2005


Indietro