J'arsete 'd mama Brun-a
A l'ansėgna 'd La Bela Gigogin, la librarģa 'd Piemont 'd via Cernaja 16/d, pėr le edission ėd Gioventura Piemontčisa, a l'é surtģe na cita publicassģon ėd cusin-a «J'arsete 'd mama Brun-a» 'd Bruna Codino e Rossana Turina (pp. 55, Euro 15), ch'a l'ha 'l vantage dė smon-e nen mach d'arsete, ma «sensassion, sentiment, a travčrs ij vąire gust dėl mangé», e 'd felo an piemontčis, con le tradussion a randa an italian e an inglčģs.
Scandije ant le stagion le arsete soasģe e originaj a smijo 'd poesie, pėrchč lņn ch'a guida ij gust a l'é 'l cheur dj'arcņrd d'un temp che mare, magne, nņne a j'ero bon-e a pronté «con tanta naturalėssa ėd piat gustos e arsėrcą, cissą da l'esigensa 'd pa sgheiré e 'd rėspeté 'l cicl ėstagional dij prodņt naturaj»..
Anlora 'ndasand a mėssoné tra le pagine, a la prima i podoma 'mparé la fritą 'd cite erbe naturaj (urtije, mentass, virassoj, o s-cģapadoje coma as dis da mie part a Tėston-a), o le plandre 'd boras, o 'l bagnčt verd (pnansėmmo, fiėsche d'aj, doe anciove e...). L'istą a nė smon trute an carpion, giardinera a la moda veja, ij bolč sot euli, o la fruta candģa; l'Otogn a 'ncamin-a con ij gnņch ėd patate, lė mnestron al forn, 'l cunij dij nņstri al forn, ij friceuj 'd pom e 'l gran san piemontčis, 'l sambajon. La bagna cąuda, 'l chissņt d'agnel, ij subrich ėd ris o 'd patate an giutran a scaudé un pņch l'Invern..
Per restée 'ncora na frisa an cusin-a, i segnaloma bele se scriģt an italian, ma con tanti arferiment an piemontčis, lė scartari dėl DocBICentro Studi Biellesi, pėr la Colan-a «Sapori Biellesi», «In cucina con l'olio di noce» soagną da Mina Novello (pp.32, ?6)..
Ant ij temp ėd vache mąire cost euli, a l'era dovrą al pņst ėd col d'uliva o dėl butir, pėr condģ salade, ansavorģ formagg e tomin, coma 'l bėddu, o deje un pņ gust al frachčt, al sancarlin o a l'ają; e, gnanca a dilo, pėr preparé la bagna cąuda, tant ch'as peul disse, a fortiss Mina Novello, che costsģ a l'é 'l ver euli bielčis..
Dņp un pņch dė stņria ch'a va sempe bin e 'd nņte 'd lavorassion, ch'a van gnente mal, ėl lģber a płblica na bela partģa 'd pitanse ch'as peulo fesse con l' euli 'd nos e con ėl nusuggio, ch'a sarģa lė scart dla lavorassion dle nos pėr fé l'euli. Ant la cusin-a 'd na vota tut a ven a taj!

d'Albina Malerba - dal Vėnner ėd La Stampa dėl 25 ėd gené dėl 2008


Indietro