Ancó an sël teatr piemontèis

Da Massimo Scaglione, autor, regista, stòrich dël teatro e dla television, an riva na litra ch'a torna an sël «teatro 'n piemontèis». A l’é na litra ch'arpìa cola che monsù Cavaletto a l'ha scrivune quàich temp fa (e noi da part nòsta l'oma sërcà 'd rèspond-je). Monsù Cavaletto as fasìa na domanda legìtima. Va bin ël concors bandì da la Region Piemont, ma peui? Dòp la premiassion còsa a-i capita? Scaglione a fa 'n propòsit doe o tre considerassion anteressante. Antant a dis che la tendensa dël teatro piemontèis d'ancheuj a l’é 'n pò cola «di tornare al passato quanto a tematiche e contenuti». Nen mach fé rie, ma «una felice predisposizione anche alla pensosità, all'impegno, al teatro sociale, all'approfondimento psicologico, all'affresco sociale attraverso autori come Bersezio, Garelli, Pietracqua, Leoni». Ebin - an dis Scaglione - un concors benemérit come col dla Region «ha portato alla ribalta nuovamente questi temi più importanti, riproponendo all'attenzione del pubblico certi contenuti che sembravano un po' dimenticati e che si stanno invece riaffermando con bella evidenza attraverso le opere di autori di oggi, impegnati a restituirci temi nostri, risolti con profondità, quasi la continuazione degli autori del passato». E a fa 'd nòm, da Bianca Dorato a Silvio Viberti, da Michele Bonavero a Remigio Bertolino a Oscar Barile, ch'arpìo ij gran tema dl'umanità, la vita 'd mincadì, la famija, ‘l travaj, le generassion, la società, la politica. As respira - an dis 'ncora Scaglione - na bel'aria d'arnovament ch'a peul nen che consolene. D'autra part - a osserva - ‘l pùblich d'ancheuj a veul nen mach rie ma 'dcò pensé (le doe còse as stan bin ansema). E peui a gionta che la comedia 'd Bonavero, «Coma 'n vòl ëd farfalin-e», butà an sena dal «Teatro delle dieci» a l'ha avù tranta repliche. «Certo - a l’é la conclusion dla litra - riabituare il pubblico non solo a ridere ma anche a pensare non è una impresa tanto facile, ma un concorso come quello regionale può costituire un incentivo non trascurabile, può costituire uno stimolo a fare qualcosa di nuovo». Contoma che d'àutri (monsù Cavaletto për prim) a l'abio d'àutr da rèsponde e da dì. ëd Giovanni Tesio - dal Vënner ëd La Stampa dël 15 ëd magg dël 2009

Indietro