Armanach piemontèis 2016

J’ero ‘d luj, un sol ch’a s-ciapava le pere, e a l’é rivaje Sergio Donna, dl’Associassion Monginevro Cultura, con sò bel «Armanach piemontèis 2016»! Che peui ciamelo mach armanach a dis nen tut lòn ch’a l’ha drinta. L’edission ch’an compagnerà për tut l’an ch’a-i ven, con tuti ij Sant patron ëd le sità e dij pais dël Piemont, con 365 proverbi an piemontèis, sernù da Sergio Donna e Giuseppe Novajra, a l’é dedicà a la guèra dël 15-18, sota ‘l tìtol «A-i era na vòlta la trincera», soagnà da pì ‘d 50 fòto dj’ani dla guèra (da Archivi privà), e da 7 articoj, an piemontèis e an italian, sël tema: Michel dij Bonavé, «Prim për sèmper»; Anna Perrini, »Anche i pidocchi vanno in guerra»; Stefano Quaglia, «I canti della Grande Guerra»; Massimo Cappone, Ufissial Còrp Militar C.R.I., «Materiali e mezzi di soccorso nella Prima Guerra Mondiale»; Fabio Fabbricatore, Ufissial Còrp Militar C.R.I., «L’attività della Croce Rossa Italiana nella I Guerra Mondiale»; Achille Maria Giachino, Ufissial médich dl’Associazione Nazionale Sanità Militare Italiana, «Il servizio sanitario militare durante la prima Guerra Mondiale»; e n’ùltima pagina con ël test e lë spartì dla canson «Novantun», mùsica ‘d Beppe Novajra, paròle ‘d Sergio Donna, dedicà al Bërsalié Giacinto Follis, classe 1891, che coma tanti ‘d soa generassion a l’é stàit angagià ant la naja e ant la guèra për na desen-a d’ani. Un armanach nen mach da consulté, ma da lese e goerné an biblioteca, publicà da Ël Torèt/Monginevro cultura (info: ufficio.stampa@monginevrocultura.net). d'Albina Malerba - da TORINOsette dLa Stampa dij 25 dë stèmber dël 2015

Indietro