Agenda dël Piemont 2017

«365 nuanse ‘d Piemont/365 sfumature di Piemonte». A l’é ‘l tìtol dl’ «Agenda dël Piemont 2017», publicà da l’Associassion Coltural «Luigi A. Olivero» (AssOlivero, via Gentileschi 1, Villastellone, Info: assolivero@libero.it). N’agenda ch’a l’é un lìber da lese minca di dl’ani, con ij Sant piemontèis, proverbe e manere ‘d dì, e tante notissie dë stòria nòstra, e peui da goerné an Biblioteca. Mëssonoma da la «Tàula» j’argoment ëd cost 2017: la lampadin-a aventà a Piossasch da Alessandro Cruto; ij Frej Temperino e l’invension dl’utilitaria; ‘l Marron Glacé na galuparìa piemontèisa. Le date da arcordé: 1887 a nassìa a Turin ‘l giuegh dël balon; 1857, a ancamin-a la produsison dle pastiglie Leone; 1847 a ancamin-a la stòria dla Martini; dël 1917, sent ani fa, a nassìo Giovanni Arpino, Armando Testa, Bruno Caccia, Carlo Albeto Castigliano. E tanta àutre ricorense arcordà për giutene a mantene viva la memòria ‘d nòsta identità. A l’Agenda a l’han travajà: M. Pampaloni, Gioventura Piemontèisa, S. Appiano, G. Caval, S. Uslengh, G. Miglio, G. Delfino, G. Sanero, D. Lucco, M. Paladini, Parentesi Graphica (pp. 320, 13 euro). d'Albina Malerba - da TORINOsette dLa Stampa dj'11 ëd novèmber dël 2016

Indietro