Agenda dël Piemont 2018

A l'é franch bela l'Agenda dël Piemont (Piedmont's Diary) 2018, con soe "365 nuanse 'd Piemont/365 sfumature di Piemonte". A la publica, come ormai da na bela partìa d' ani, l'Associassion Coltural "Luigi A. Olivero" (AssOlivero, via Gentileschi 1, Villastellone, Info: assolivero@libero.it). N'agenda-lìber ch'an compagnerà për tuti ij di dl'an, con ij Sant piemontèis, proverbe e manere 'd dì, la lun-a, e tante notissie dë stòria nòstra. E peui finì 'l 2018…da ten-e an Biblioteca. La "Tàula" an presenta j'argoment 2018: orgheuj piemontèis, dova trovoma, tra ij tanti, notissie su Girardengo, Giugiaro, Isa Bluette, 'l Museo dla fruta, l'Olivetti, la Società Ovriera 'd Pinereul. Ant le date stòriche as ricòrdo ij trator, l'aereoclub, la prima rampiada al Rociamlon, Paganini non ripete… J'aniversari dle Ròbe di Kappa, dla Baratti; e peui për le ricorense: Vittorio Emanuele II, Gustavo Colonnetti, Cesare Pavese, Carlo Alberto e lë Statuto, Giovanni Giolitti, Vittorio Pozzo. E ancora arsete dla cusin-a tradisisonal piemontèisa, ij Museo regionaj… A l'Agenda a l'han travajà Massimiliano Pampaloni, Gioventura Piemontèisa e tanti d'àutri. d'Albina Malerba - da TORINOsette dLa Stampa dij 17 ëd novèmber dël 2017

Indietro