Ij përsonagi 'd Pare Isler

Giaco Tross, Lucressia Gelofrada, Barba Giròni e soa fomna Slanfrinaja, Giòrs e Cattarina. E peuj Martin Potagi, Bastian Bodin, Tòni Bioch, Giaco Stòrta, Tòni Pianca Tuj përsonage 'd col original ëd Pare Isler, trinitare caussà dla Crosëtta, un dij pilastr dla nòsta literatura. Tërsent agn d'antlora ma na poesìa cantarin-a ch'a canta 'ncora e squasi ch'as dirìa 'ncora 'd pì a distansa, grassie 'dcò a dë studi ch'a giuto a capi-la mèj. Parlo d'Ignazio Isler, gran maestro 'd "tòni" (vis a dì 'd coi componiment birichinòt ch'a son spantiasse a l'inisse dël Setsent, sécol miraco d'importansa për la literatura piemontèisa, e che peui a l'han ëdcò ciapà pì tard na piega politica). Basta pijé 'n man "Canzoni e poesie piemontesi", cudìe da Luigi Olivero e da Andrea Viglongo për le edission Viglongo (un volum dël 1968 che Giovanna Viglongo a l'ha publicà con na muda neuva mach chèich agn fa). E a l'é subit festa. Na festa, na mùsica, na dësbaucia, cola che ciamerìa gaudineta lessical. L'esistensa, 'ncor, dël passà lontan, ën piemontèis. E cole desinense 'n "at", ch'i l'hai 'ncor scotà dai mè vej-vej: trampat, bricat, sigarat…E tute cole espression, ch'a fan gòj, bon sangh, e la cossiensa viva che Broferi a ven da lì e che Gipo - anvod lontan - a l'ha 'mprendù da lì soa bela lession. ëd Giovanni Tesio - da TORINOsette dLa Stampa dij 27 d'avril dël 2018

Indietro