Laboratòri 'd piemontèis

Dal 2015 as ten a l'Università 'd Turin un "Laboratorio di piemontese", vorsù da la Ca dë Studi Piemontèis mersì a un finansiament privà dedicà. Ël cors 2019 a taca 'l doi ëd magg, giòbia, a doi bòt ant l'àula 14 ëd Palass Neuv, sede dle Facoltà Umanistiche dl'Univeristà 'd Turin. As tnirà tuti ij giòbia e tuti ij vënner da doi bòt a sinch ore. A l'é për jë student dla laurea magistral an "Scienze Linguistiche del Dipartimento di Studi Umanistici", ma a peulo scrivse 'dcò student d'àutri cors ëd laurea e fin-a mach ëd përson-e anteressà. Ël "laboratòri" st'an a sarà torna tnù da Nicola Duberti, bin conossù sia ant ël camp djë studi filològich e dialetològich, sia come poeta an piemontèis, ch'a fa arferiment a la "scòla" poetica monregalèisa. A spiega Duberti: "Il laboratorio intende fornire ai ragazzi alcune conoscenze di base sulle strutture del piemontese contemporaneo, usando come riferimento la koinè a base torinese […]". A sarà fàit d'una part pì gramaticala e lenghìstica, d'una fàita 'd conversassion e 'd gieugh ëd reul, e d'una part dë stòria leteraria e a sarà un ver e pròpi cors monogràfich su Nino Còsta e soa euvra poética. Vardé 'l programa dël Labòratori sla pagina web:http://linguistica.campusnet.unito.it/do/corsi.pl/Show?_id=ajx7. d'Albina Malerba - da TurinSet ëd La Stampa dij 26 d'avril dël 2019

Indietro