Diciarassion ëd Civass

Ël 19 dë dzèmber dël 1943…quat rapresentant ëd la Resistensa dle valade valdèise e doi 'd cola valdostan-a, a l'han butà an ciair, ant un document, la mira e ij but ëd le popolassion alpin-e an vista dla liberassion dal fassism e dal nassism: autonomìe politìche, aministrative, colturaj-scolàstiche, për salvesse dai dagn provocà da l'opression polìtica, da la distrussion ëd la coltura local…". A scrivìa parèj Tavo Burat, a propòsit dla "Diciarassion ëd Civass", conossùa coma "Carta di Chivasso", ant un artìcol publicà dël 1993 su la rivista "Alp", e ancheuj consultabìl ant ël volum "Lassomse nen tajé la lenga/Non lasciamoci tagliare la lingua" (2005). A arpijé l'interesse su "La dichiarazione di Chivasso", a l'é 'l Museo Regionale dell'Emigrazione dei Piemontesi nel Mondo, che a propon, giòbia 5 dë dzèmber, a 4 e mesa dël dòp disné, ant la Sala Viglione dël Consèj regional dël Piemont (Via Alfieri, 15 - Turin), n'ancontr sul tema "La carta di Chivasso. La pace nel rispetto della libertà e delle diversità delle Valli Alpine". A na parleran: Valter Giuliano, "Le eredità della Carta di Chivasso"; Filippo Maria Giordano, "L'attualità della Carta di Chivasso sul piano delle relazioni internazionali: tra federalismo e regionalismo"; Matteo Rivoira, "Gli aspetti linguistici nella Carta di Chivasso". Mi i parlerai dla letura che Tavo Burat a l'hai fàit an diversi contribù, an italian e an piemontèis, ëd costa "Diciarassion". Info: info@museoemigrazionepiemontese.org. d'Albina Malerba - da TurinSet ëd La Stampa dij 29 ëd novèmber dël 2019

Indietro