Piemontčise d'Argentin-a 2021

La sodisfassion pģ bela a l’é savčj che un travaj fąit ani e ani fa, a continua a dé frut e fior ancora ancheuj. Mersģ al “Master in Cultura e patrimonio storico-linguistico del Piemonte per la formazione degli insegnanti”, masentą da Alda Rossebastiano dl’Universitą ‘d Turin, tnusse dal 2006 a Cordoba e a San Francisco, i l’hai avł la bon-a ventura ‘d conņsse tanti giovo argentin/piemontčis ėd nņm e ‘d cheur e ‘d lenga, che ancheuj a pņrto anans ambelelą n’angage piemontčis ch’a comeuv e an arciama a nņst dover ėd travajé ansema. I l’oma gią vaire vire da coste pagine sitą ‘d publicassion fąite an Argentina e ancheuj i voroma segnalé ‘l lģber publicą an digital da l’Asociación Civil Mujeres Piemontesas de la Repśblica Argentina (AMPRA), dont a l’é Presidenta, n’anleva d’antlora, Ana Marķa Filippa Garbarini: «Conversaciones. Historias de Mujeres Italianas en la Argentina», 57 ‘nterviste a tņte e madamin, ‘d diverse generassion, d’origin piemontčise. Ėl lģber as sara con la poesģa ‘d Nino Costa «Rassa Nostran-a», publicą an piemontčis e an castijan mersģ a la tradussion dla midema Ana Filippa. Con costa sitassion i voroma mandé ’n salut e n’auguri a tuti j’Argentin che an cost moment a vivo ‘dcņ lor un temp motobin maleuros a cąusa dla «pest» dėl virus cinčis! Coragi amis!

d'Albina Malerba - da TurinSet ėd La Stampa dij 10 ėd luj dėl 2020


Indietro