Ines Poggetto

Ant na soasìa edission dla Società Stòrica dle Vaj ‘d Lans, a l’é pen-a surtìe ‘l volum “Ines Poggetto, anima intensa delle Valli di Lanzo”, soagnà da Bruno Guglielmotto-Ravet, Giuse Scalva-Laura Solero, prefassion dël President dla Società Michele Vietti (pp. 83, 2020). A pùblica j’at dël rëscont tnusse a Lans ël mars 2019, a sent’ani da la nassita d’Ines Poggetto (1919-2007). Contribù ‘d: Gianni Oliva (“Un ricordo dell’adolescenza: Ines e gli studi magistrali nel collegio salesiano di Vallecrosia”), Marica Barbaro (“Semel magistra, semper Magistra”), Luciano Boccalatte (“Ines Poggetto, donna della Resistenza”), Ernestina Assalto (“I. P., amministratrice locale”), Sergio Papurello (“I.P., promotrice del Comitato Ponte del Diavolo”), Emanuela Lavezzo (“Per la storia della Gente delle nostre Valli di Lanzo”), Giancarlo Chiarle (“Poeti di Lanzo”). Mi i l’hai vorsù arcordé j’”Orizzonti poetici di Ines Poggetto”, përchè tuta l’atività, l’angagi d’Ines a son stàit na làuda poetica: na brava poetëssa an lenga piemontèisa, magistra d’umanità e ‘d coltura: « Che còsa bela avèj un cheur ch’a canta, /avèj la poesìa andrinta a j’euj » an costi vers as peul trové la mistà dl’esistensa e dla poesìa d’Ines Poggetto: na poesìa da lese pròpi an costi temp maleuros. A saro ‘l lìber testimonianse e arcòrd ëd Luisella Casassa, Ester Francesetti, Valeria Rolando (info@societàstorica-dellevallidilanzo.it). d'Albina Malerba - da TurinSet ëd La Stampa dij 30 d'otóber dël 2020

Indietro