Haiku - Taj curt

«Il legame fra il piemontese e l’haiku è più stretto di quanto molte persone immaginino», a scriv Nicola Duberti ant la presentassion dël lìber motobin original e curios: «Da Tokio a Torino. Il fascino sempre verde degli haiku di Matsuo Basho», «l’inventore dell’haiku», ‘d Mario Chiapetto e Sergio Donna: 30 haiku «del grande haiji giapponese», an lenga original, an inglèis, an italian e an piemontèis, publicà da l’Associassion Moginevro Cultura, edission «Ël Torèt/Monginevro Cultura», 2022 (pp.100, ill. www.monginevrocultura.net). Con j’haiku a son confrontasse diversi poeta piemontèis, Carlo Regis, Tavo Burat, Sergio Notario e pròpi Nicola Duberti che a l’ha publicà un lìber «Taj curt/haiku» an piemotèis (2013); e Sergio Donna ch’a titolava soa racòlta «Ciameje nen haiku |Non chiamateli haiku», ma pitòst «Slussi», o «Faravòsche», o «Splùe», tuj tìtoj dij sò lìber d’haiku surtì ant j’ani. Ant cost lìber, Chiapetto e Donna a smon-o ‘dcò un profil biografich ëd Basho, e test ch’a spiego «Genesi e magia di un haiku», «Gli elementi caratterizzanti di un haiku», e «Gli stati d’animo di un haijin», n’autor d’haiku. Un travaj ch’a buta ansema la competensa «storica e linguistica di Mario Chiapetto e la passione poetante di Sergio Donna» (sitoma ancora Duberti), antërsà da na sèrnia ‘d bigeuje ch’a son nen mach figure ‘d blaga, ma a giuto a intré ant ël sente dël poeta. «I marcio ‘rlongh un senté ‘d montagna/ e im sento ‘me anciarmà:/ le violëtte». Vers che an fan già sugné la Prima ch’a s’avsin-a! d'Albina Malerba - da TurinSet ëd La Stampa dij 21 ëd gené dël 2022

Indietro